Yolun Açık Olsun

Cənub-şərqdə terrorla mübarizə ədəbiyyatının ilk nümunələrini yaradan və yazdığı ssenarilərlə kino və televiziya üçün bu janrın ilk əsərlərini ərsəyə gətirən Hakan Evrensel “Yolun Açık Olsun” ilə daha bir təsirli yazı nümunəsi təqdim edir.

Cənub-şərqdəki toqquşmaları canlandıran televiziya serialları və filmlərin artdığı bir dövrdə “Yolun Açık Olsun” romanı türk oxucusunun Cənub-şərqdə yaşananlara tamamilə fərqli bir bucaqdan baxmasını məqsəd qoyur.

Ziyalı məsuliyyəti ilə daha bir ilkə imza atan və ədəbiyyatımıza Cənub-şərqlə bağlı stereotipləri qıran bir əsər qazandıran müəllif bu yeni romanı ilə Cənub-şərqdə yaşananların bilinmək istənməyən və üstü örtülən bir tərəfinə – “Travma sonrası stress pozuntusu”na işıq tutur.

Əsərlərində qəhrəmanlıq, fədakarlıq, vətənpərvərlik kimi müqəddəs anlayışları pafoslu dil işlətmədən və hiss istismarına əl atmadan işləyən müəllif sətiraltı gizlətdiyi dostluq, sevgi, dərin yas, peşmançılıq, vicdan əzabı kimi insani duyğuları yenə də son dərəcə realist üslubla, kinematoqrafik quruluşla və ağızda pas dadı qoyan acı bir yumor hissi ilə nəql edir.

“Yolun Açık Olsun” oxucusunu güldüyünə peşman edən bir dilemma ilə sarsıdır və duyğu divarları arasında savurur.

Son döyüşdə ayağını itirən kapitan Salih ilə eyni döyüşdə yaralanan kiçik leytenant Kərimin ölümlə üz-üzə gəldikləri anlarda kəsişən həyatları Ankaradan Muğlanın turizm cənnəti Dalyana uzanan bir səfərdə təsviredilməz bir dostluğa çevrilir.